नवलपरासीको बर्दघाट –९, पन्चनगरमा रहेको राजा महात्मा पूर्णभद्र माध्यमिक विद्यालयको स्वर्ण जयन्तीको महोत्सव आईतबार बाट सुरु हुदै छ । महोत्सवको तयारी अन्तिम चरणमा पुगेको विद्यालयले जनाएको छ । बिबिध कार्यक्रम सहित पौष १५ गते देखि २१ गते सम्म सप्ताहव्यापि रुपमा मनाईने स्वर्ण जयन्तीको उद्घाटनमा नेपाल सरकारका प्रवत्ता तथा संञ्चार तथा सुचना प्रविधि मन्त्री रेखा शर्मा आउने करिब निश्चित भएको छ ।
स्वर्ण महोत्सव सम्पन्न गर्न ५९ सदस्यीय मुल समारोह समिति र २६ वटा उप–समितिले काम गरिरहेको मुल समिति संयोजक तथा संविधान सभा सदस्य बिक्रम खनालले पत्रकार सम्मेलनमा जानकारी दिनुभयो । काग्रेसको नेता विद्यालयको स्वर्ण जयन्ती समारोहको संयोजक कसरी भन्ने जिज्ञासामा खनालले तिन वर्ष अगाडीनै हुनुपर्ने स्वर्ण जयन्तीको कार्यक्रम विविध खिचातानीका कारण हुन नसकेको भन्दै विद्यालय शिक्षा सुधारका लागी आफुले संयोजकत्व लिएको तर्क गर्नुभयो । म विद्यालय आउदा राजनिति बाहिर राखेर आउछु उहाँले भन्नुभयो ।
स्वर्ण जयन्ति सञ्चालनको लागि ५० लाख रुपैयाँ खर्च हुने अनुमान गरिएको छ । त्यसमध्ये ४१ लाख बढि रकम संकलन भईसकेको मुल समितिको दाबि छ । स्वर्ण जयन्तिको पहिलो दिन १५ गते प्रभातफेरी, समुद्घाटन, स्मारक लोकार्पण, पिटी, सुभकामना मन्तव्य, साँस्कृतिक कार्यक्रम, खाना महोत्सव, जलपान, दिप प्रज्वलन गर्ने कार्यक्रम रहेको छ । दोस्रो दिन १६ गते जिल्ला स्तरीय वक्तृत्वकला, खेलकुद, पुर्व शिक्षक सम्मान तथा सुभकामना, साँस्कृतिक कार्यक्रम, पुरस्कार वितरण, खाना महोत्सव, जलपान, बेलुका दिप प्रज्वलन कार्यक्रम रहेको छ ।
तेस्रो दिन १७ गते संस्थापक, पुर्व वि।व्य।स।, पुर्व शि।अ।स, पुर्व विभिन्न उप–समिति सम्मान, नगरपालिका स्तरिय खुल्ला म्याराथुन प्रतियोगिता, साँस्कृतिक कार्यक्रम, खाना महोत्सव, जलपान, बेलुका दिप प्रज्वलन कार्यक्रम रहेको छ । चौथो दिन १८ गते साँस्कृति कार्यक्रम, चन्दादाता, दानदाता सम्मान तथा सुभकामना जलपान, खाना महोत्सव, रक्तदान कार्यक्रम र बेलुका दिप प्रज्वलन कार्यक्रम रहेको छ ।
त्यस्तै पाचौँ दिन १९ गते पुर्व विद्यार्थी पुर्नमिलन, सम्मान तथा सुभकामना, साँस्कृतिक कार्यक्रम, खाना महोत्सव, जलपान, बेलुका दिप प्रज्वलन कार्यक्रम रहेको छ । छैठौँ दिन २० गते जिल्ल स्तरिय भलिबल प्रतियोगिता फाइनल, साँस्कृतिक कार्यक्रम, खाना महोत्सव, जलपान, बेलुका दिप प्रज्वलन कार्यक्रम रहेको छ । त्यस्तै कार्यक्रमको सातौँ दिन २१ गते दिप प्रज्वलन, स्मारिका विमोचन, साँस्कृतिक कार्यक्रम, सम्मान, पि।टी। खाना महोत्सव, जलपान तथा समापन र बेलुका दिप प्रज्वलन कार्यक्रम रहेको विद्यालयले जनाएको छ । राजा महात्मा मावि आर्थिक परादर्शिताका विषयमा पटक पटक विवादमा आउने विद्यालय हो ।
