धारा काट्ने र नाम सार्वजनिक गर्ने चेतावनी पछि पनि परासीमा खानेपानीको महसुल उठेन्

स्थानीय

Home
स्थानीय
धारा काट्ने र नाम सार्वजनिक गर्ने चेतावनी पछि पनि परासीमा खानेपानीको महसुल उठेन्

धारा काट्ने र नाम सार्वजनिक गर्ने चेतावनी पछि पनि परासीमा खानेपानीको महसुल उठेन्

खानेपानी उपभोग बापतको बक्यौता भुक्तानीको लागी ताकेता गर्दे नवलपरासीको सदरमुकाम परासीमा रहेको परासी खानेपानी तथा सरसफाई उपभोक्ता समितिले उपभोक्तालाई १५ दिने अल्टिमेटम दिएपनि जम्मा ३ लाख मात्रै महसुल भुक्तानी भएको छ । ४३ लाख २३ हजार महसुल उठाउन बाँकि भएपछि खानेपानी संस्थाले पुस २१ देखि माघ ५ गते सम्मको अल्टिमेटम दिदै भुक्तानी नगरे धारा काट्ने, भुक्तानी नतिर्नेको नामावली सार्वजनिक गर्ने चेतावनी दिएको थियो । तर १५ दिनको अवधिमा ३ लाख २१ हजार मात्र महसुल उठेको समितिका अध्यक्ष खगेश्वर पन्थिले बताउनुभयो । अझै ४० लाख रुपैयाँ महसुल बापतको रकम उठन् बाँकि रहेको छ ।

यो बिचमा संस्थाले वडा नम्बर १ र २ मा ३ जना उपभोक्ताको धारा काटेर पानी वितरण रोकेको छ । तर धारा बन्द गरेपनि उपभोक्ताले भुक्तानी गर्नुको साटो उल्टै झगडा गर्ने गरेको समितिका कर्मचारीको भनाई छ । महसुल भुक्तानी गर्न परासीमा रहेका राजनैतिक दलका नेताहरुकै धेरै रकम भएपनि अल्टिमेटम दिदा समेत कसैले पनि भुक्तानी नगरेको समितिले जनाएको छ । पटक पटक आग्रह गर्दा र अल्मिेटम दिदा समेत नेताहरुले पानी उपभोग गर्ने तर महसुल भुक्तानी गर्न अटेरी गर्दे आएको समितिको भनाई छ । तिन महिना सम्म महसुल नबुझाउने उपभोक्ताको बिना जानकारी धारा काट्ने साधारण सभाले निर्णय भएपनि समितिले साधारण सभाको निर्णय प्रभावकारी रुपमा कार्यान्वयन गर्न सकेको छैन् ।

समितिले केहि संस्थागत र व्यक्तिगत गरी महसुल नबुझाउने ९ ओटा धारा समितीले यस अघिनै काटेको थियो । समितिले रामग्राम वडा नम्बर १ र ६ मा रहेको दुई ओटा खानेपानी ट्याङ्कि मार्फत १७ सय बढि घरधुरीलाई खानेपानी वितरण गर्दे आएको छ । पोखरापालीमा रहेको ट्याङ्किको पानी पनि अहिले वितरण भईरहेकाले धारा विस्तार गर्ने समितिको तयारी छ । तर कतिपय उपभोक्ताहरुले संस्थाले विगतमा प्रर्याप्त र शुद्ध पिउने पानी वितरण गर्न नसकेको भन्दै धमिलो पानीको महसुल तिर्न नसकिने तर्क गर्दे आएका छन् ।

प्रकाशित मिति: बिहीबार, माघ २५, २०८० १२:५०

प्रतिक्रिया दिनुहोस्

थप स्थानीय

नवलपरासीमा माघिको रौनक, सरावलमा १८ वर्ष देखि चल्दै आएको खिचडी महोत्सव सोमबार, माघ १, २०८०

चोरीको मोटरसाईकल सहित बर्दघाटका ५ जना पक्राउ बुधबार, पुस १८, २०८०

सिद्धार्थ राजमार्ग आज राति देखि दैनिक ६ घण्टा बन्द सोमबार, पुस १६, २०८०

लोकप्रीय

Week
Month